tram
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

بليــــس يصـــف الوضـــع والحالـــة في ‏الاردن

اذهب الى الأسفل

بليــــس يصـــف الوضـــع والحالـــة في ‏الاردن Empty بليــــس يصـــف الوضـــع والحالـــة في ‏الاردن

مُساهمة من طرف ملك لترام الأحد مارس 30, 2008 12:41 am

ابليــــس يصـــف الوضـــع والحالـــة في ‏الاردن



كان في ‏غرفته، يلملم ملابسه في حقيبة إلى جانبه وباقي متعلّقاته على المنضدة القريبة. كانت ‏استقالته موقّعة ومختومة حسب الأصول، وبجوارها تقبع ون-واي تيكت إلى جزيرة ‏مالطة.
‏كانت ملامح وجهه في تلك اللحظات تنطق بالحزن و‏الكآبة والإحباط واليأس وقلّة الحيلة... مع دهشة مزمنة ارتسمت عليه منذ فترة ليست ‏بالقريبة مع الإعترافٍ بالعجز والفشل....
‏إبليس راحلٌ عن بلادنا إلى غير ‏رجعة... فليفرح المؤمنون...

- ‏وين يامسهّل؟ ليش عم بتضبّ ‏اغراضك؟
- ‏يازلمة ماظلّلي قعدة عندكو، إلي سنين عاطل عن العمل وقرّبت أموت من ‏الجوع.. بلاقيش معك سيجارة ياخوك؟ مش قاطع فيكو لا وسواس ولا خنّاس!!!

كنت ‏زمان بوسوس للوحدة تسيب ابنها يعيّط وهي بتحكي مع جاراتها، هسّة صاروا لحالهم يرموا ‏اولادهم في الحاوية أوّل مايجوا!
‏كنت أوسوس للواحد ينسى يسمّي الله قبل ‏مايوكل، هسّة بطّل حدا لاقي إشي يوكله!!!! يازلمة إذا أنا إبليس وتسمّمت ‏بالشاورما!!!
‏كنت برضو بوسوس للشب يرميله كلمة ع البنت وهي ماشية ‏بالشارع، صاروا البنات يطقّسوا ع الشباب بكلام أنا نفسي بستحي ‏أحكيه!‏ إنتو بدّكو إبليس ‏إنتو؟! خلوني أبعد عنكو وارتاح!!!
‏صار عندكم فائض في الفساد بكفّي 30 سنة لقدّام، صرت أخاف على حالي ‏منكم!!!!
‏يازلمة مرّات بضطرّ أوسوس بالشقلوب وأقول للمسؤول إرحم، وللحرامي ‏بكفّي خلّي شويّ للحراميّة اللي رح ييجوا ‏بعدك!
‏يعني إذا إنتو لحالكو بتعملوا كل هالبلاوي، أنا إبليس شو ‏أعمل؟؟؟؟ أشتغل شوفير تكسي يعني ولاّ أفتح صالون حلاقة؟؟؟؟

ماظلّ عليً غير أقدّم للأوقاف ‏يعيّنوني واعظ أو إمام جامع!

‏ثمّ فتح إبليس الباب وانطلق خارجاً إلى غير ‏رجعة!!!!
ملك لترام
ملك لترام
Admin

ذكر عدد الرسائل : 251
تاريخ التسجيل : 28/03/2008

https://tram.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى